Re: David Brin short story

["Jorge J. Llambias" <jorge@INTERMEDIA.COM.AR>]

i lu ze'e viska li'u
                 fi'e la deivd brin


i lu ju'i prenu la zeloskis bazi vi zvati i ki'anaidai li'u se cusku le marbi

i to'o le mi tcaci stuzi pe ne'a le canko mi viska le nu so'o te barja cu
suksa cliva  i le virnu ja kucli cu stali

i lu zy me le purcedra kespre poi pu xruti gi'e ku'i na se'irmipri  i je'upei
li'u preti fi la sam no'u le mi'a barjygu'a

i lu je'u i seki'ubo ko zy na jikca  i va'o le nu lo zvati cu mutce simsa
lo slabu be zy gi'e cfagau lo rapyfri nungunta kei mi'o le vi dinju lo drata
plini cu diklo la'a li'o li'u



i le nu rapyfri  i ia ro da lifri le sinxa be le fatci ckaji be le temci
i lei nirbi'a puzu ta'e te'arxei ra no'u lobleselga'e le nu nuzdu'a lo bazi
nungutsuksa  i puzuku lei prenu cu terpa le nirterbi'a gi'enai smadi le nu
ri stidi le du'u makau vorme le kesmu'e

i caze'aku le po'o purkespre cu malfri lo'e za'orbleselga'e jenca  i ti'e
le nirviljenca velma'erai ca ba'o se pranygau  i le ca jetna na nitcu loi
selte'atce nungutsuksa le nu snada le steci ke menli tcini poi ve marce
fi le kensa da fa'a lei tarci

i ri'i le ca kespre le selbai nu rapyfri cu ckiku

i ri'i ku'i le purpre cu curve le ka se terpa



i lu li'o le suksa nu co'a slabu cu ka'e cfagau lo plipe gutsuksa
i seki'ubo e'anai jbikla  i va'o le nu zy cimno le nu snura cu cumki
fa le nu zy jikca li'o li'u

i tavdu'e marbi

i so'e purkespre pu klama loi melbi vanbi gi'e stali  i lei ba'o selbe'e
cu rivbi le nu pensi'u

i ku'i le xarnu po'u la zeloskis za'o litru  i zifre nanmu  i seki'ubo
lei catni cu minde lo marbi le nu purkla mu'i le nu kajde



i le temci cu cizra  i ty flecu gi'e babo viljenca binxo

i mi zutse je denpa gi'e ganse lei nanca

i pa'o le canko mi viska lo slabu flira

i lu doi jatna li'o xu li'u

i mi bilga le nu cliva pu  i le mi xance ca co'a desku

i ku'i pluka fa le nu za'ure'u viska lei tarci

----------------------------------------------------------------

co'o mi'e xorxes

______________________________________________________________________________
>Toujours Voir
>
>by David Brin
>
>"Folks!" the bodyguard announced. "In moments Lasselovsky will be here. You
>all know what that means."
>
>From my regular booth by the window, I saw several customers abruptly
>leave. The brave, or curious, remained.
>
>"He's the Oldtime spacer who returned, but didn't hide, right?" Sam, our
>bartender, asked.
>
>"Yeah, so don't bother him! If anyone here strongly resembles someone from
>his past, and triggers a deja-vu attack, we could find this building on
>another *planet*..."
>
>
>Deja vu. I suppose everyone's felt this clue to Time's true nature.
>
>Epileptics once dreaded it as an "aura," foretelling seizures. And
>historically, people feared epilepsy, never suspecting grand mal hinted a
>door to the universe.
>
>Today only Oldspacers suffer lingering aura shock. I hear neuroconvulsive
>hyperdrive is perfected nowadays. Modern pilots needn't endure terrifying
>seizures to attain that special mental state which propels a spaceship
>starward.
>
>To *modern* spacers, induced deja vu is a key.
>
>To Oldtimers, though, it's pure terror.
>
>
>"...sudden recognition could trigger a jump seizure. So don't approach him.
>If he feels safe, maybe he'll mingle..."
>
>Talky bodyguard.
>
>
>Most Oldtimers retreated to cozy surroundiings and stayed put. Ex-crewmates
>avoid reunions.
>
>Stubborn Lasselovsky, though, keeps moving. He's a free man, so the
>authorities send bodyguards ahead to warn people.
>
>
>Time's funny. It flows, then surges like a convulsion.
>
>I sit and wait, feeling the years.
>
>Through the window, I see a familiar face...
>
>*Captain*...?
>
>I *should* have left before this. Already my hands are shaking.
>
>Still, it is nice to see, again, the stars.
>_______________________________________________________________________________