TEXT: nunpa'i pemci

[Jorge Llambias <jorge@PHYAST.PITT.EDU>]

                pemci mi'o mi do

        i ca le nu do mi zvati
        kei ca le nu mi do zvati
        kei cu canci le mi'o zvati
        fa ro drata be do joi mi

                        i le ckana be fi mi'o
                        i le mi'o matlygai
                        i le kicne noi le mamta
                        pe do ke'a dunda mi'o

        zi'e noi ciska fi ke'a
        le terfe'o fe lu ti
        fo mi ze'e mojgau li'u
        to selpe'a selpei toi

                        i le'i tolpu'a savru
                        be ri'a ro le nu mi'o
                        muvdu fi le malcka kei
                        noi le kazycma cu rinju

        i le lenku noi le gacri
        mi'o ke'a na'e marbi
        ki'u le nu gy cu matli
        e le nu ly ca'a carmi

                        i ro drata be do joi mi
                        cu canci le mi'o zvati
                        ca le nu do zvati mi kei
                        ca le nu mi zvati do

i mi'e xorxes