Re: zo cpedu jo'u lo vrici

[Jorge Llambias <jorge@PHYAST.PITT.EDU>]

mi pu cpedu le mupli be fi le'i ve cpedu
ije la kolin mi spuda di'e

> ni'o mu'a le'e gerku cu cpedu so'oda fo le xadni seltarti po'u zoi gy begging
 gy
> ..i mu'a cu'i du'o so'o to'ercitno flalypajni lo'e ninmu ta'o cpedu lo te
 cinse
> fo lo nu to'e cpedu kei simlu
> ..i mu'a nai mi cpedu lo te spuda fo pisu'o lei mi selmrilu

i pe'i mu'u ra jimpe frili zmadu fa le nu pilno le tcita
i lu vecu'u li'u mapti le cimoi
i zo ta'i go'i le remoi to to'ercitno po'oxu i a'o iacu'i toi
i lu fi'o seltarti li'u go'i le pamoi

i ja'ocu'i xu lo ve cpedu te sruma le du'u du le seltarti ji le velsku
i pe'i zo a na'e mapti le ka danfu

i ni'o mi cusku di'e

> i le crane pagbu be le ky jufra na mo'u se benji fi mi

i ky mi drani spuda

> ni'o mi se cizra lu na mo'u se benji li'u .i ga'a mi lu mo'u se benji li'u
> cu se smuni le du'u le nu benji to .a le nu se benji toi cu mulno .i ku'i
> do ca'a te benji le notci selyli'erai .i se ni'i bo le nu benji cu mulno
> ..i ku'i .e'u le no'e mulno du le notci .e nai le nu benji

i mi do tugni
i xu do djuno le du'u dakau pu rinka le nu le notci cu no'e mulno

co'o mi'e xorxes