Re: marna, tech discussion

["Jorge J. Llambias" <jorge@INTERMEDIA.COM.AR>]

i la ~mark cusku di'e
> xu do krici .ianai ledu'u le nu lei menlymikce pilno cu zerzu'e je xrani
> kei cu se rinka pe'inai le nu tu'a lei menlymikce cu se tolcru loi turni
> kei .enai lo drata

i mi na krici lo simsa i xu lei menlymikce pilno cu zerzu'e??????
i pamai ma menlymikce pilno i pe'i lo prenu poi pilno lo menlymikce
iseni'ibo lo se menlymikce i pe'i do skudji lo frica
i remai mi na krici le du'u lei xukmi pilno cu zerzu'e je xrani
i mi krici le du'u lei xukmi vecnu so'iroi zerzu'e je xrani

>.i ro ba'u bu'a zo'u su'o lei menlymikce pilno cu
> .e'ase'idai bu'a mu'i lenu cpacu lei mikce .i lenu da'i loi ra jdini na'e
> banzu lenu te vecnu lei mikce cu .ia mukti lenu ra zerzu'e je xrani .i le
> nu lei turni co'a curmi da'i tu'a lei mikce kei na galfi .ia la'edi'u

i pe'i galfi ki'u le nu lei vecnu cu na se xlura lo barda cmana jdini
le nu zerzu'e i le zekri pe lei tervecnu vecnu cu mutce zmadu ri pe lei
pilno le ka xlali gi'e vajni

> .i ku'i mi na'e carmi jinvi .i lei marna ja'a sidju su'o lei cortu .ije ri
> .uu se sidju .ei

i ei ri se sidju iji'a le frili jdini co'u ei prali lei zekri kagni

co'o mi'e xorxes
noi gleki le nu casnu bau la lojban ui