Re: marna gi'e drata xukmi

["Jorge J. Llambias" <jorge@INTERMEDIA.COM.AR>]

la kris di'e cusku

> .i .eipei loi drata xukmi cu ji'a se plicru .i
> pe'i go'i

i ie go'i

>.i .au loi mikce cu sidju ciksi le xadni
> se nitcu be roda .isejubabo da jdice .eidai
> fi le da xadni

i li'a i ji'a noda se prali fi le nu vecnu fo le dukse
poi le nu flapro cu curmi le nu cpedu ke'a

> >i ckire fi le nu spuda
> .i zo'o .a'idai do ze'a camtoi lenu le se lojbau cu se
> lojbau

i go'i i oi na frili fa le nu snada le nu lo lojbo cu pilno
le ri bangu

> .i do facki lo mi jai mu'i jbosnu .i ckire

i ku'i malfunca fa le nu mi do traji tugni le selsnu i mi'o
bazi mo'u casnu va'oda'i le nu noda co'a naltugni

> >i lu nu'edo'u li'u lu nu'edai li'u basti i iepei toi
>
> .uu mi jai gau tolgerna .i ku'i le do nunbasti cu
> na smusmi .i le turni .enai mi cu nupre lenu damba
> le flalu

i ki'anai i mi pu jimpe le du'u do mutce birti le du'u
le turni cu damba kei gi'eseki'ubo birtygau mi sepi'o
zo nu'e

> to vi le ti selmrilu mi djica lenu cusku zoigy.
> "should" gy. .e zoigy. "should have" gy. bau la lojban.
> .i ta'i ?ma go'i toi

i e'u pilno zo ei

co'o mi'e xorxes