so'u sampu lisri

["Jorge J. Llambias" <jorge@INTERMEDIA.COM.AR>]

--------------------------------------------------------------

i lu xu le ca rirxe le pu rirxe cu mintu le ka rirxe li'u
preti le cilre le pensi i le pensi le cilre cu spuda
lu xu le ca remna le pu remna cu mintu le ka remna li'u

--------------------------------------------------------------

i audai le cifnu cu ragve le dargu
i le dargu na de'a culno lei sutra muvdu karce
i uinaidai le cifnu za'o te ragve le dargu
i lo barda cipni ga'u le cifnu cu vofli
i e'osaidai doi cipni gau do le cifnu cu ragve le dargu
i le cipni cu bevri le cifnu le dargu te ragve le dargu ragve
i uisaidai le cifnu cu ragve le dargu

-------------------------------------------------------------

i cerni murse gusni i co'a cikna i prami lamji
i pluka lunbe xadni pencu i bebna tavla i cmila
i ze'u carmi cinba i tinsa i sutra binxo vasxu
i setca i traji cmoni i vikmi i surla cisma cando

-------------------------------------------------------------

i e'o doi tcidu caku do finti lo do sampu lisri

co'o mi'e xorxes