lojbo lojbo ma'oste

["Jorge J. Llambias" <jorge@INTERMEDIA.COM.AR>]

Now that we are finally baselined, I think it's a good time to start
working on the Lojban-Lojban dictionary. I have started with the cmavo
list. Here are my first attempts at selmaho PU, ZEhA, ZA, and ZAhO.
I wrote for each cmavo a short definition and some examples of sentences
showing different positions where it can occur. I would much appreciate
comments and suggestions, be it on the definitions, the examples, the
format, or whatever. Thanks!

Jorge

*************************************************************************
                lojbo lojbo ma'oste

i zo ba zo'u: cmavo zo pu le du'u jarco le du'u le fasnu
              cu balvi le cabna a lo drata manri
              i mu'a lu mi ba klama le zarci li'u
              lu baku mi klama le zarci li'u
              lu mi klama le zarci ba le nu mi mo'u citka li'u
              lu mi mo'u citka ibabo mi klama le zarci li'u
              lu le ba klama be le zarci mo'u citka li'u

i zo ca zo'u: cmavo zo pu le du'u jarco le du'u le fasnu
              cu cabna le cabna a lo drata manri
              i mu'a lu mi ca klama le zarci li'u
              lu mi klama le zarci caku li'u
              lu ca le nu do ti stali kei mi klama le zarci li'u
              lu do ti stali icabo mi klama le zarci li'u
              lu le ca klama be le zarci ti na stali li'u

i zo pu zo'u: cmavo zo pu le du'u jarco le du'u le fasnu
              cu purci le cabna a lo drata manri
              i mu'a lu mi pu klama le zarci li'u
              lu mi puku le zarci cu klama li'u
              lu mi klama le zarci pu le nu zy ganlo li'u
              lu le zarci ba ganlo ipubo mi zy klama li'u
              lu le pu klama be le zarci cu snada le nu te vecnu li'u

i zo ze'a zo'u: cmavo zo ze'a le du'u jarco le du'u le fasnu cu milxe
                le ka makau temci le co'a fasnu le co'u fasnu
                i mu'a lu mi ze'a tirna le zgike li'u
                lu mi tirna le zgike ze'a lo cacra be li re li'u

i zo ze'e zo'u: cmavo zo ze'a le du'u jarco le du'u le fasnu cu cimni
                le ka makau temci le co'a fasnu le co'u fasnu
                i mu'a lu mi ze'epu paroi vu'irga'e lo sigja i ai mi
                ze'eba noroi go'i li'u

i zo ze'i zo'u: cmavo zo ze'a le du'u jarco le du'u le fasnu cu tolmutce
                le ka makau temci le co'a fasnu le co'u fasnu
                i mu'a lu mi ze'i sumne lo melbi li'u
                lu ze'i lo snidu spisa mi sumne lo melbi li'u

i zo ze'u zo'u: cmavo zo ze'a le du'u jarco le du'u le fasnu cu mutce
                le ka makau temci le co'a fasnu le co'u fasnu
                i mu'a lu mi ze'u viska le xamsi li'u
                i lu mi le xamsi ze'u loi cacra cu viska li'u

i zo za zo'u: cmavo zo za le du'u jarco le du'u le fasnu cu milxe
              le ka makau temci le fasnu le cabna a lo drata manri
              i mu'a lu mi baza klama le zarci li'u
              lu mi klama le zarci ba le nu mo'u citka kei za
              lo cacra be li re li'u

i zo zi zo'u: cmavo zo za le du'u jarco le du'u le fasnu cu tolmutce
              le ka makau temci le fasnu le cabna a lo drata manri
              i mu'a lu mi puzi citka lo plise li'u
              i lu mi pu citka lo plise zi lo mentu li'u

i zo zu zo'u: cmavo zo za le du'u jarco le du'u le fasnu cu mutce
              le ka makau temci le fasnu le cabna a lo drata manri
              i mu'a lu puzuvu xabju fa lo nolraitruti'u lo nolzda li'u

i zo ba'o zo'u: cmavo zo za'o le du'u jarco le du'u le fasnu cu mulno
                i mu'a lu ko'a ba'o jbena li'u

i zo ca'o zo'u: cmavo zo za'o le du'u jarco le du'u le fasnu cu ranji
                i mu'a lu ko'a ca'o jbena li'u
                i lu ko'a jbena ca'o le nu le mamta cu litru fi lo trene li'u

i zo co'a zo'u: cmavo zo za'o le du'u jarco le du'u le fasnu cu cfari
                i mu'a lu mi co'a klama le zarci li'u
                lu mi klama le zarci co'a le nu do xruti li'u

i zo co'u zo'u: cmavo zo za'o le du'u jarco le du'u fanmo le fasnu
                i mu'a lu mi'o co'u casnu li'u
                lu mi'o casnu co'u le nu mi'o sipybi'o li'u

i zo de'a zo'u: cmavo zo za'o le du'u jarco le du'u dicra le fasnu
                i mu'a lu mi de'a gunka li'u
                lu mi gunka de'a li pacipi'ecino di'a li recipi'ecino li'u

i zo di'a zo'u: cmavo zo za'o le du'u jarco le du'u toldicra le fasnu
                i mu'a lu mi di'a gunka li'u
                lu mi gunka de'a li pacipi'ecino di'a li recipi'ecino li'u

i zo mo'u zo'u: cmavo zo za'o le du'u jarco le du'u le fasnu cu mulbi'o
                i mu'a lu mi mo'u citka lo plise li'u
                lu mi citka lo plise mo'u le nu mi py tunlo li'u

i zo pu'o zo'u: cmavo zo za'o le du'u jarco le du'u le fasnu cu za'ibre
                i mu'a lu ko'a pu'o jbena li'u

i zo za'o zo'u: cmavo zo za'o le du'u jarco le du'u le fasnu cu ranji lo dukse
                i mu'a lu mi za'o zutse le srasu li'u
                lu mi zutse le srasu za'o le nu co'a carvi li'u