Re: la lojban za'o na bangu

["Jorge J. Llambias" <jorge@INTERMEDIA.COM.AR>]

> .i mi bredygau tu'a le gerna cukta .i tcidu loi mrilu ca pabi'ire
> djedi po'e pa jeftu

i na gendra i do nitcu zo vei i mi zmanei lu tcidu ze'a ro jeftu
paji'ireroi li'u i pe'i do na skudji le du'u do tcidu ca pa po'o
jeftu

to li'a lu ze'a ro jeftu li'u smuni lu ze'a ro jeftu poi vajni va'o
le cabna vanbi li'u enai lu ze'a ro jeftu poi zasti li'u toi

> .i mi naka'e xaksu so'o temci tezu'e loinu lojbo cusku

i i'a le nu ze'a ro jeftu paroi cusku cu xagmau le nu noroi co'e

> >i uinai pa la lojban do e mi na bangu
> na'i .i ki'a
> .ue mi jimpe pe'i

i ue ue do pu cusku le sedu'u do se cfipu lu la lojban za'o
na bangu li'u i do na pu terpinka lo drata

> .i le pluja jufra pe la SOV pu cfipu mi

i zo'o loi sovda le mi'a selcasnu ma ckini i pe'i ca le nu
la lojban ba co'a bangu na ba vajni fa le du'u xukau cusku
sepi'o le glico ke valsi se porsi

> .i mi djica lenu zmadu cusku joi tcidu bau la lojban ba'o lenu cukta bredygau

i pe'ipei ba'o cukta bredygau ca ma

> mi;e lojbab

mi'e xorxes