[Date Prev][Date Next][Thread Prev][Thread Next][Date Index][Thread Index]

A small Christmas/New Year/Kwanzaa gift to the list.



My first bit of Lojban text (a translation) in who knows how long.
The translation doesn't rhyme or scan, unlike the original.  Enjoy!

la pyf. poi makfa cu'urcrida
cu xabju vi le xamsi
.i kelpi'e vi le critu bumru
ne'i le tutra po'u la xonylis.

.i la djekpel. poi cmalu
cu prami la pyf. noi mlimabla ku'o
.i bevri fi ri fe loi bukcilta .e loi stela lakse
.e lo zabna drata

.i la pyf. joi la djekpel. litru
fi le nalplita falnu bloti
.i la djekpel. zgana
ga'ute'e le barda rebla be la pyf.

.i lo nobli turni cu polje
vo'a mu'i tu'a le litru
.i lo zerle'a bloti cu nitmu'u le lanci
mu'i le nu la pyf. lausku le ri cmene

la pyf. poi makfa cu'urcrida
cu xabju vi le xamsi
.i kelpi'e vi le critu bumru
ne'i le tutra po'u la xonylis.

.i lo cu'urcrida roroi jmive
.iku'i lo nanla na go'i
.i lo cu'urcrida nalci .e lo zerle'a turni
cu se basti lo drata selkei

.i caki pa djedi
la djekpel. banoroi xruti
.i la pyf. noi vlipa cu'urcrida
cu sisti le to'erterpa lausku

.i le cnebo cu polje mu'i le nu badri
.i lo crino kapsle cu carvi
.i banoroi la pyf. kelci klama
fo le grutrcerise klaji

.i la pyf. noi claxu le pendo
na kakne co virnu
.i la pyf. noi cu'urcrida
cu badri sakli ne'i le kenzda

la pyf. poi makfa cu'urcrida
cu xabju vi le xamsi
.i kelpi'e vi le critu bumru
ne'i le tutra po'u la xonylis.

.i bazukiku la djekpel. cu speni
.i patfu le nixli
.i le nixli po'u la sofis.
cu kucli klama ca pa donri

.i la sofis. gleki cadzu
le bumru xaskoi
.i mo'izo'a le nalselviska kevna
cu tirna lo kandi bacru

.i la sofis. cu selkajde nenri
le zdani be la pyf.
.i le cu'urcrida noi spaji cu carna vo'a
.i gasnu le nu la sofis. terpa

.iku'i zgana le kanla noi badri
.i la sofis. ba'o terpa
.i sraku le nazbi be la pyf.
.i rinka co jinsa le ri selklaku

la pyf. poi makfa cu'urcrida
cu xabju vi le xamsi
.i kelpi'e vi le critu bumru
ne'i le tutra po'u la xonylis.

--
John Cowan      cowan@snark.thyrsus.com         ...!uunet!cbmvax!snark!cowan
                        e'osai ko sarji la lojban.