[Date Prev][Date Next][Thread Prev][Thread Next][Date Index][Thread Index]
TEXT: pemcrxaiku
pemcrxaiku
ni'opamai vifne cergusni
i le tricu cu klaku
le clani ctinu
ni'oremai selmorji ba'a
mi le crisa ca le nu
ru'u mi snime
ni'ocimai renro le sicni
le rirxe i simtavla
roda joi noda
ni'ovomai pa'o le blaci
le verba kelci sance
na canko pagre
ni'omumai oisai le nicte
le selgei ca'o kunti
ije do darno
ni'oxamai mi za'o zutse
le srasu ki'unai ui
le nu ca carvi
ni'ozemai le cilmo canre
gau le xamsi cu canci
i lunbe jamfu
(to nuntalsa fi la kolin le nu fanva
su'oda le glibau fu le pemcrxaiku toi)
mi'e xorxes